مولد السيد البدوى بطنطا

السلام عليكم ورحمة الله وبركاته

تشهد مدينة طنطا المصرية خلال هذا الأسبوع مولد السيد أحمد البدوى و على عكس الكثير من الموالد التى تم إلغائها لم يلغ مولد السيد البدوى و لكن منعت فقط الخيام و المبيت بها ، و من داخل المولد قامت بنت بلادى بتصوير بعض من مظاهر المولد فى تقرير مصور لكم ( و للكلية )
هذه الصور التقطت اليوم الخميس و هو اليوم الرسمى أو يطلق عليها الليلة الكبيرة النهادرة و بتكون زحمة جدا جدا (عشان كده رحت الساعة 9:30 أصور لأن هذه أول مرة أذهب لهناك طبعا مع صديقة لى ترشدنى للمكان بدل ما نتوه و لا نتخطف )

سأترككم مع الصور و التعليقات (اعذرونى التعليقات بالعامية )




صور للمسجد نفسه

















البائعين حول المسجد




باعة جائلين لبيع لعب الأطفال



خيام مخصصة لاستقبال المسئولين



ازدحام على بائعة حلويات على عربة



برده لعب أطفال و فى الخلف باب من أبواب المسجد



بائع الحمص و الحلويات



البائع من بعيد



محل حلويات أيضا بس على كبير



بائع بسبوسة وحاجات كمان صغيرة فى نص الطريق عادى ؟
بس الحمد لله كان مغطيهم بكيس

.

بائع طرابيش لكن للأسف فى مكان مش مناسب



بائع الشيشة ووراءة باب آخر من أبواب المسجد




الشيشة من قرب



بائع حلويات ربنا فتحها عليه على الصبح



ماشاء الله ربنا يباركله



مع انى عمرى ماسمعت عن المحل ده بس رزقه



الطبول للأطفال (عشان يزعجونا بيها فى الشوارع )



ده أمام الباب الرئيسى الكبير للمسجد ،ماشاء الله مفيش مكان تعدى ، تحول إلى مكان نوم و أكل



مش عارفة لو حد شاف الصورة دى يقول ايه صراحة إساءة لسمعة المسلمين فى كل العالم

ماتروح يا حاج انت وهو تشوف شغلكم بدل القعدة دى





أيس كريم هيمة ورا أهو لسه مافتحش



عربية شرطة أمام المسجد احتياطى









الحاج و الحاجة طبعا جايين على الصبح و تاعبين نفسهم من بلدهم ياخدوا بركات الشيخ



منظر عام



كام حجة مع عيالها و شكلهم تعبوا وقعدوا يستريحوا و تقريبا جايبين حاجات لكام يوم



من أقرب عشان تشوفوا الشيل و انهم يبدو متعبين (طالب جايين ليـه )



خدوا بالكم من اليافطة مكتوب ايه ؟



طبعا زحام ماعرفتش ادخل للأسف



شايلة الهم ليه يا حاجة ؟



البرنس أحمد بائع العرقسوس و التمر هندى من علامات مصر مافيش بلد مافيهاش العربية دى
و فى جانب الصورة رجل مصرى معاناة الحياة فى كل قسمات وجهه



لو كنت استنيت ثانية كمان كان أصحاب المحل طلعوا ضربونى





عجبنى المنظر ده مش عارفة ليه

*************
و أخيرا الحاج الطيب محمد






الحاج محمد شافنى بصور فجالى وقالى صورينى و هو فرحان ليه مش عارفة و اتحايل على زميلتى تتصور معاه وادالنا اسمه كمان
بس فعلا شكله طيب جدا




القمامة







القمامة أمام المسجد و حول بائعى الحلويات

و لكم أن تتخيلوا أن العربية اللى بتحاول تلم هذه القمامة دى :



هى فى حد ذاتها قمامة و عايزة حد يلمها ، آخرها تنفع خردة مش أكتر



القمامة و العربية و بائع بجانبهم و المسجد من خلفهم





طبعا أكيد طولت عليكم دى صورة بسيطة جدا من اللى بيحصل فى الموالد و لو كنا باليل أو داخل المسجد أو فى وقت تانى فى الخيام كنا هنلاقى مناظر أخرى تدعوا للخجل

و طبعا أنوار المسجد مش تظهر غير باليل

كان نفسى ادخل جوه الجامع لكن مرة تانية إن شاء الله

متأسفة الصور طلعت صغيرة تقريبا ؟ إن شاء هكبرها فى وقت تانى

مستنية آرائكم


بنت بلادى

صور إضافية أخدتها و انا مروحة على الماشى فى السريع لمبان أمام المسجد و هذه المنطقة عموما تعتبر أقدم منطقة فى مدينة طنطا و تسمى بطنطا القديمة



المعهد الأحمدى من أقدم المعاهد الأزهرية بمصر ( جدى كان اتعلم فيه قبل الذهاب للأزهر )



مكتب بريد طنطا



محطة قطار طنطا







عمارة قديمة أمام المحطة

[align=center]على مسئولية المحافظ .. أنوار السيد البدوى تضىء طنطا



محيط ـ إيمان الخشاب








فى موعده المحدد وهو منتصف أكتوبر من كل عام أقيم مولد العارف بالله أحمد البدوى بطنطا ، وذلك رغم ما أثير حول نية الغاءه بناء على توصية من اللجنة الخاصة بمكافحة انفلونزا الخنازير بضرورة منع إقامة الموالد فى الوقت الحالى بجميع أنحاء مصر نظراً لأن الزحام الشديد يساعد على انتشار الأمراض فى التجمعات والأماكن المزدحمة وهو ما يتوافر فى الموالد دون شك .
ورغم ذلك أقيم المولد في موعده المحدد بحضور الدكتور محمود حمدي زقزوق وزير الأوقاف المصرى ، والدكتور أحمد عمر هاشم رئيس اللجنة الدينية بمجلس الشعب، وعبدالهادى القصبى شيخ مشايخ الطرق الصوفية في مصر .
وفى خطوة جريئة جداً وحرصاً منه على مصالح الكثيرين ممن يتكسبون بإقامة هذا المولد كل عام أعلن اللواء عبدالحميد الشناوي محافظ الغربية قيام الاحتفال السنوى بسيدى أحمد البدوى على مسئوليته الخاصة ، مؤكداً أنه لا نية مطلقاً لإلغاء الاحتفال الديني الذي يتواكب مع احتفالات المحافظة بعيدها القومي.
وأشار المحافظ في حوار شيق جداً مع الإعلامية رولا خرسا على تليفزيون الحياة من قلب مسجد السيد البدوى ، إلى أنه تم وضع خطة بمشاركة كافة أجهزة المحافظة والصحة ومديرية الأمن لاتخاذ الإجراءات الوقائية ضد مرض أنفلونزا الخنازير خلال فترة المولد ، والتى من بينها إنشاء نقاط إسعاف مجهزة بأطقم طبية حول ضريح مسجد السيد البدوي ، والتأكيد على منع العادات السيئة التي تمارس داخل الاحتفال كالوشم وغيرها والتي قد تتسبب في نقل المرض، كما تم خفض عدد الخيام والسرادقات التى كانت تقام سنويا من 70 خيمة إلى 35 خيمة وذلك تجنباً أيضاً لانتشار المرض نتيجة غلق هذه الخيام او البيات فيها .
وقال المحافظ : أى أن الاحتفال هذا العام سيكون بشكل مختلف تماماً حيث سيبعد عن الخرافات والبدع وسيركز على الجانب الدينى والثقافى، ولاشك أن تقليل عدد الخيام ادى الى غياب أكثر من 2 مليون زائر ومريد من الذين كانوا يتوافدون لزيارة القطب الصوفى الكبير.

يأتى قرار محافظ الغربية بإقامة المولد بطنطا فى الوقت الذى قرر فيه دكتور عبد العظيم وزير محافظ القاهرة إلغاء الاحتفال بمولد السيدة زينب تنفيذاً أيضاً لتوصيات اللجنة العليا لمكافحة أنفلونزا الخنازير ، ونتيجة لذلك تصاعدت ردود فعل الصوفيين على مستوى الأتباع والمشايخ والقيادات تجاه القرار ،ووصف رئيس اللجنة الخماسية المكلفة بإدارة المشيخة العامة للطرق الصوفية الشيخ محمد الشهاوي قرار إلغاء موالد آل البيت وأولياء الله الصالحين، خاصة موالد السيدة زينب بأنه تهريج واستفزاز للمشاعر لأتباع الطرق الصوفية في مصر الذين يقدر عددهم بحوالي 15 مليوناً.
وقال الشهاوي: إن أتباع الطرق الصوفية أناس محصنون ببركة أعمالهم وبركة ورضي آل البيت وأولياء الله الصالحين، ثم إن الله هو الحافظ وهو الشافي، وأكد أن الصوفيين يرفضون قرار الحكومة وينددون به وأنهم مصممون علي الاحتفال بموالد آل البيت .
وأكد الشيخ محمد عبدالمجيد الشرنوبي شيخ الطريقة البرهامية أن قرار إلغاء الاحتفال بموالد أولياء الله الصالحين يوضح ويكشف لنا أن آل البيت وأولياء الله الصالحين غاضبون جداً وغير راضين عن الأوضاع السيئة التي نعيشها وتعسف الحكومة ضد الصوفية خاصة بعد اعتقال الشيخ مصطفي الهاشمي وإلغاء الليلة الكبيرة لمؤسس الطريقة الهاشمية في أبوحمص بالبحيرة.
مشيراً الى أن الحكومة لا تجرؤ ولا تستطيع إلغاء الاحتفالات بموالد آل البيت ولكن تم تأجيل هذه الاحتفالات بصورة مؤقتة حتي تزول الغمة والكرب.
جدير بالذكر أن السيد أحمد البدوي هو(أحمد بن على بن إبراهيم بن محمد البدوى) أحد أقطاب الصوفية الكبار الذى تنسب له الكثير من الكرامات ويحتفظ له التراث المصري بمقولة (الله الله يابدوي جاب اليسرى ) في إشاره إلى ما يعتقده العامة بأنه أنقذ الأسرى المصريين في بعض الحملات الصليبية.
يرجع أصله الى بني برّي قبيلة من غرب الشام ثم سكن والده المغرب وولد السيد البدوي في زقاق الحجر بمدينة فاس المغربية سنة 596هـ ، من أسرة علوية ينتهى نسبها للإمام على رضى الله عنه في عهد الخليفة الموحدي الناصر محمد (610هـ).
هاجر مع أبيه إلى مكة سنة 603هـ ، وعمره 7 سنوات واستغرقت رحلته إلى مكة 4 سنوات ، واستقر فيها حتى وفاة والده سنة 627هـ، ثم عاد البدوي إلى مصر سنة 637هـ ،قيل أنه كان يلبس لثامين ولا يفارقهما ولم يتزوّج قط[/align]

شكرالك اختى بنت بلادي على هذة المعلومات والصور الطيبه الجميله ولكن لي سؤال من هو هذا السيد البدوي
ولي عودة حتى استفسر اكثر وشكرا لسعه صدرك (اتحمليني)

المشاركة الأصلية كتبت بواسطة تراب

شكرالك اختى بنت بلادي على هذة المعلومات والصور الطيبه الجميله ولكن لي سؤال من هو هذا السيد البدوي
ولي عودة حتى استفسر اكثر وشكرا لسعه صدرك (اتحمليني)

لا عليك أخى تراب ، السيد البدوى هو من مشايخ الطرق الصوفية كان يعيش فى مصر أثناء الحملات الصليبية تقريبا فى عهد الصالح نجم الدين أيوب و له مسجد كبير فى مدينة طنطا مدفون به و له مولد كل عام يجىء إليه الكثير من القرى المجاورة حتى بأخذوا من بركات الشيخ كما يعتقدون و يتمسحون فى ضريحه و احيانا يجىء إليه السواح ، و للأسف مثل هذه الأمور مازلت موجودة لدى الشعب بكل أسف

و سأذكر لك سيرته بالتفصيل أخى الفاضل رحمه الله لعله لم يكن له يد فيما يحدث بسببه من آثام

يعني افهم من كلامك اختى انها بدع وتمسح بالقبور ومع هذا انا متابع لما سوف تسرديه لنا عن هذا الشيخ
اشكرك لسردك القادم ....
متابعين ان شاء الله ...

المشاركة الأصلية كتبت بواسطة تراب

يعني افهم من كلامك اختى انها بدع وتمسح بالقبور ومع هذا انا متابع لما سوف تسرديه لنا عن هذا الشيخ
اشكرك لسردك القادم ....
متابعين ان شاء الله ...

طبعا بدع و كلام فارغ أولياء و ضريح فى مسجد و اعتقاد ان له كرامات خارقة ، و الحقيقة ان الأراء تختلف حوله و لقد وجدت لك أخى كلام كتب عنه قرأته انا من قبل فى كتاب و اميل إليه لأن الكلام الذى يشكر فيه كلام عجيب و قدس الله سره !! ايه هو سره مش عارفة
كتبت لك ما قراته عنه من قبل هنا اخى تراب


السيد البودى

صدقا قصصه مثل الف ليله وليله
اللهم نور بصائر المسلمين
شكرا اختى الفاضله
ودمتي بخير

خدوا بالكم من اليافطة مكتوب ايه ؟

شوبير ومرتضى منصور رجال الزمن الصعب
فى انتظار السى دى:d

الحاج و الحاجة طبعا جايين على الصبح و تاعبين نفسهم من بلدهم ياخدوا بركات الشيخ

صورة معبره عن بعض البسطاء ناسنا بتوع زمان ( بصراحة البروفيل بتاع الصورة رائع وتلقائى جدا )

ربنا يريحنا من البدع والمنكرات ديه
ياريت نجى يوم نزور طنطا لاجل طنطا مش عشان البدوى وغيره
واتمنى من الدولة ان تهدم البدع ديه وتحارب الموالد لانها مصدر متاعب امنيه ونفسية واخلاقيه وتدعم الدين الصح وكان المفروض عى المحافظ انه يحد من مظاهر المولد ويتجاهله بدل ما يشجعه ( يمكن عشان السياحة الداخليه سمعت ان حوالى المليون مواطن بياتوا طنطا فى مولد البدوى )

و أخيرا الحاج الطيب محمد

الخمسة جنيه ديه انتوا اللى اديتهالوه ولا هوه اللى فرحان بيها عشان كده طلب التصوير

القمامة أمام المسجد و حول بائعى الحلويات

صورة متكرره فى كل مصر
بس فيها شى ايجابى انه فيه عمال نظافه مصريين انا افتكرت انهم هيجيبوهم من المكسيك

ولكن لي سؤال من هو هذا السيد البدوي

السيد البدوى رجل مجهول ظهر فجاه فى الساحة المصرية فى نهاية العصر الايوبى وبداية العصر المملوكى فى فتره حرجه تعرض فيها شمال مصر الى الحملات الصليبيه استقر فى طنطا وكان يرتدى العقال ويخفى وجة بلثام ولا يكشف وجة كرجل بدوي فسمى باحمد البدوى وادعى انه من نسل النبى ( لا يوجد سند صحيح لهذا الادعاء ) ويقال انه كان صالحا ولكن الذى عرف عن هذا الرجل هو انه كان رجل ذو اتباع كثيرون جدا واشتهر بخرافات واساطير روجها انصاره منها انه احضر فرقة من الجند اسرهم الصليبين

ولذا الى اليوم يغنون للبدو ويقولون ( الله الله يا بدوى جاب اليسرى اى الاسرى ) وهى كذبة مفتراه ولكن فى زمن الحروب والفتن يكثر هولاء المهم كلما جاء سلطان بسبب اتباعه الكثيرون وبسب دعواه السلبيه وغير الايجابيه ( كحال الصوفيه فى كل زمان ) كان على وفاق مع كل الحكام من الصالح ايوب الى الظاهر بيبرس ولذا اغدق عليه الحكام بالنعم والمال الذى استغلها على مناصروه وشيعيته التى روجت له ولهذا كان البدوى اول قطره فى غيث مشايخ موالد مصر كالدسوقى وابوالعباس المرسى واحمد الفولى وعبدالرحيم القناوى وغيرهم ولعل طبيعة المصريين مياله الى تصديق ذلك

لله الحمد باستثناء البدوى وموالد ال البيت فى القاهره فن ظاهرة الموالد بدات تنحصر لوعى الناس

[align=center]

الخمسة جنيه ديه انتوا اللى اديتهالوه ولا هوه اللى فرحان بيها عشان كده طلب التصوير

ههههههههه لا هى كانت معاه و بعدين دى 5 و نص يمكن كانت هى سبب فرحته فعلا لأنه كان ماسكها فى ايد و العصايا فى ايد وفاردهم عشان يبانوا لولا انه كان بيتحرك و هو بيتصور كانت صورته هتكون أحلى من كده
[/align]

واتمنى من الدولة ان تهدم البدع ديه وتحارب الموالد لانها مصدر متاعب امنيه ونفسية واخلاقيه وتدعم الدين الصح وكان المفروض عى المحافظ انه يحد من مظاهر المولد ويتجاهله بدل ما يشجعه ( يمكن عشان السياحة الداخليه سمعت ان حوالى المليون مواطن بياتوا طنطا فى مولد البدوى )

هو كان فى مليون مواطن لكن السنة دى قللوا الأعداد بشكل كبير جدا لعدم وجود الخيام و هى بصراحة أحسن حاجة عملوا كانوا بيباتوا فيها و يعملوا كل المنكرات ، فيمكن جت أنفلوانزا الخنازير جات بفايدة على حاجة