لماذا انا محجبة؟؟؟

أنا محجبة ليه ؟ "



أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:



1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…



2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً




3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…



4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..

5 -

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..



6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..



7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين

الحجاب فرض من الرحمن .. ورحمة من المنان .. وخير للإنسان

وجزاكِ الله خيراً أختاه .. وبارك الله فيك

واللهم استر نساء المسلمين .. واهدهم إلى الحق والرشاد

السلام عليكم ورحمة الله وبركاته
كنت قبل فترة قصيرة في مصر ولقد تفاجأت من ان لبس الحجاب عندهم منتشر جدا صغارا وكبارا بعكس ما يتناقله الاعلام ،والحقيقه الثانيه لم ارىهنالك من تلبس الحجاب الشرعي الا من رحم ربي وهم قله ويكتفون بالشال وبنطال الجيينز ااو الشال والبلوزة والتنورة وهذا ليس بالجلباب الشرعي الذي فرضه الله على المسلمات وهذا اضع بين ايديكم الباس الشرعي الذي اوجبه الله تعالى والله من وراء القصد
الحجاب الشرعي هو عبارة عن قطعتين
1- القطعة الاولى وهي غطاء الرأس وله صفتان
الاول:ان يغطي الشعر والرقبة والصدر
الثاني:ان لا يكون فيه تبرج وأعني بالتبرج ان لا يكون ذا الوان ملفته ولا يلمع وغيره من الامور التي تجعل منه تبرجا وملفتا

2- القطعة الثانيه وهو الجلباب او العباءة ولهما مواصفات
الأول: ستر جميع بدن المرأة على الراجح حتى القدمين.
الثاني: أن لا يكون الجلباب في نفسه زينة .
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق .
الخامس: أن لا يكون مبخراً مطيباً .
السادس : أن لا يشبه ملابس الكافرات .
السابع : أن لا يشبه ملابس الرجال .
الثامن : أن لا يقصد به الشهرة بين الناس .

جزاك الله خيرا على الموضوع الرائع

جزاك الله خيرا
اللهم صل على سيدنا محمد

جاء في السنة ما يوضّح فضل الستر ،
فعن عبدالله بن عباس رضي الله عنهما
عن النبي صلى الله عليه وسلم قال :
"من ستر عورة أخيه المسلم ستر
الله عورته يوم القيامة "رواه ابن ماجة .
في حين أن تتبع الزلات مما يأنف منه الطبع ،
وينهى عنه الشرع ، بل جاء في حقه وعيد شديد ،
روى الترمذي عن ابن عمر رضي الله عنهما قال :
صعد رسول الله صلى الله عليه وسلم المنبر ،
فنادى بصوت رفيع فقال :
"يا معشر من قد أسلم بلسانه ، ولم يفض الإيمان
إلى قلبه ، لا تؤذوا المسلمين ولا تعيروهم ،
ولا تتبعوا عوراتهم ، فإنه من تتبع عورة أخيه
المسلم تتبع الله عورته ، ومن تتبع الله
عورته يفضحه ولو في جوف رحله ".

السلام عليكم ورحمة الله وبركاته

اخواتى واخوانى

بارك الله فيكم لمروركم الطيب

تحياتى وتقديرى

بسم الله الرحمن الرحيم
السلام عليكم ورحمة الله وبركاته
باركـــ الله فيكم وأثابكـــم الفردوس الأعلى بفضله تعالى وكرمه
جعلكم الله زخراا وأفادكــم ووفقكم لما فيه الخير والرشااد
دمتم بخير وسلااام
فى رعاية الله