الابن الغبي (اضحك)

الاب كان مسافر ولما رجع لقى ابنه مستنيه فى المطار

الاب: ايه احوال البيت وانا مش موجود.. حصل حاجه وحشه

الابن: لا كل حاجه ميه ميه متقلقش هو حصل حاجه بسيطه بس

الاب: ايه حصل

الابن: عصايه المكنسة اتكسرت

الاب: بس كده ولايهمك بس ايه كسرها

الابن: انت عارف ان البقرة لووقعت على حاجه بتكسرها

الاب: انت تقصد بقرتنا

الابن: اه

الاب: ايه اللى حصل

الابن: كانت بتهرب وهيه خايفه فوقعت على عصاية المقشة كسرتها

الاب: المهم البقرة حصلها حاجة

الابن: لامفيش حاجة ماتت

الاب: يا لهووووووى ماتت وهى كانت بتجرى خايفة من ايه

الابن: لادى كانت بتهرب من الحريقه

الاب: حريقه!! حريقه ايه؟؟

الابن: لا مفيش اصل بـتـنـا اتحرق

الاب: اتحرق يالهووووى من ايه

الابن:اخويا الكبير الله يرحمه

الاب: ايه اخوك مات ازااااااى ؟؟

الابن: ايوه مات كان بيشرب سيجارة وقعت حرقت البيت وهو جواه

الاب: يالهووووى أخوك سبرسجى بيشرب سجاير

الابن: هو كان بيشرب سجاير علشان ينسيه حزنه

الاب: حزنه على ايه

الابن: على أمى الله يرحمها

الاب: هيا أمك كمان ماتت

فراح الاب ميت من غباء ابنه

الابن: بابا متعملش فى نفسك كده فداك ألف مقشة

هذ الموضوع متكرر للمرة الثالثه
هههههههه
يبدو ان الجميع بيحبوا هذه القصة الطريفة
تم النقل الى المرجعات

هههههههههههههههه

الموضوع دا يستاهل جائزة

المشاركة الأصلية كتبت بواسطة الظاهر بيبرس

هذ الموضوع متكرر للمرة الثالثه
هههههههه
يبدو ان الجميع بيحبوا هذه القصة الطريفة
تم النقل الى المرجعات

ماهذا للمرة الثالثة

بالفعل هي قصة مضحكة كما قال اخي الظاهر بيبرس

ماهذا للمرة الثالثة

بالفعل هي قصة مضحكة كما قال اخي الظاهر بيبرس

المشكلة ينسوا ان للقصة تكملة
وهى ان الاب موت الابن حزنا على المكنسة اللى انكسرت

ههههه خاتمة جميلة اخي الظاهر