|
05-02-2009, 03:14 PM
|
رقم المشاركة : 1 | |||||||||
|
قصيدة الشاعر / نايف بن عرويل { الـصـــارم } في غزه
قصيدة الشاعر / نايف بن عرويل { الـصـــارم } في غزه جرح ٍ تمركز بوسـط الجـاش وابتـزه واضهر فرايـد لهـا عاميـن مكنـوزه ماتت وجيـه الرجـال وماتـت العـزة واجتاحنا الـذل واعلـن للمـلا فـوزه يا اهل المناصب وش اللي صار في غزه يا وجيه ذل ٍ على الشاشـات مـرزوزه شـي ٍ يوقـع بوسـط القلـب ويحـزه مشاعر الناس مـن ماصـار مهـزوزه قنابـل ٍمـن سماهـم مالـهـا حــزه ماجت على اهـداف معنيـه ومفـروزة يقتلبهـا اللـي بمهـده وامـه تـهـزه ويقتلبها اللـي عـدل ممشـاه عاكـوزه جمع الجنايـز مثـل تجميعـة الجـزه على بعضهـا جثـث النـاس مكـزوزه رمح اليهودي بوسـط صدورنـا غـزه وحنا عجزنـا نشيـل الرمـح ونهـوزه اجيوشنـا فـي قبـال الضـد منـهـزه وفينا الخطايا لضلـم الوقـت معنـوزة ياواهـي العـذر عمـر العـذر مانـزه خرايـط الـذل قـدم العيـن مقـزوزه من حـرك الجيـش قـل بالله مـن دزه من سكت الشعب قلـي واحكـم قـزوزه بالله منهـو يـوز الـنـاس مــن وزه عسى الغنايم عقـب ماصـار محيـوزه دور السفارات وسط العرب مـن عـزه خـلا للأوغـاد وسـط ديارنـا حـوزه مافيـه داعـي نفضـح فيـه ونـلـزه بعض العبـارات فالأعـلام محجـوزه ماتت وجيـه الرجـال وماتـت العـزه ياوجيه ذل ٍ على الشاشـات مـرزوزه
|
|||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الشاعر الروسي العظيم الكسندر بوشكين | admin | رحيق الحوار العام | 1 | 13-09-2009 07:08 PM |
| الشاعر الروسي العظيم الكسندر بوشكين | admin | علوم وثقافة | 2 | 13-09-2009 07:05 PM |
| القفال الكبير علم من الاعلام, الإمام المفسر المحدث الفقيه الأصولي اللغوي الشاعر المجا | تراب | التاريخ العام والمخطوطات والكتب والصور التاريخية | 1 | 04-08-2009 02:58 PM |
| طلاسم إيليا أبو ماضي و رد الشاعر فتحي محمد سليم | تراب | المنتديات الأدبية :الشعر العربى ، من بوح قلمى | 3 | 25-04-2009 10:07 PM |
|
|
العرض الشجري