دورة حصرية تعلم لغة css

15-01-2009, 12:13 AM

الاول احب اوضح ان لغة ال CSS " اختصار Cascading Style Sheets" هي لغة تنسيقية بيتم استخدامها بجوار لغة HTML " اللغة الاساسية في بناء المواقع " لتقديم شكل و تنسيق اعلى لصفحات الموقع.
فلغة HTML لوحدها لاتستطيع عمل شكل جميل للموقع لافتقارها العديد من امكانيات ال CSS ، لكن بدون ال HTML لا نستطيع استخدام هذه اللغة.
فلغة ال CSS تعتبر لغة مساعدة لكنها اصبحت اساسية و لا يمكن الاستغناء عنها، حتى انها تستخدم ايضا في المنتديات.

وعشان تتعلم ال CSS لازم تتعلم قبلها لغة ال HTML او على الاقل يكون عندك فكرة كويسة عنها لان الارتباط بين اللغتين قوي جدا.
وانا برضه بنصح اللي عايز يكون مصمم مواقع انه يتعلم HTML و CSS قبل او حتى بعد الفوتوشوب و الفلاش و الدريمويفر.

بتكتب اكواد ال css في منطقة الهيد head بالشكل التالي:

كود:

<html>
<head>
	<title>dvd4arab</title>
	<style  type="text/css">
	</style>
</head>
<body>



</body>
</html>

ومع ملاحظة انه يمكن كتابة اي كود لل css في منطقة البودي body عن طريق تاج style ولكن بيتم كتابتها في الهيد لتوفير الوقت و الجهد و سهولة التعديل و الاستخدام

15-01-2009, 12:16 AM

بيتكون كود ال css من 3 حاجات رئيسية وهي :

1- العنصر element و هو العنصر الموجود في تاج ال html الموجود في البودي و اللي احنا عايزين نعمل ليه تنسيقات و تعديلات، زي مثلا p,table,div,a,......

2- الخاصية او الخواص property وهي الخاصية اللي هنحطها او نعملها على العنصر زي مثلا size,color,border,margin,......

3- القيمة value وهي القيمة اللي بنحطها للخاصية الموجودة، يعني لو مثلا كانت الخاصية هي اللون فالقيمة ممكن تكون الابيض او الاخضر او اي لون.

وده شكل كود ال css :

كود:

p{color:#111111}

element = p
property = color
value = #111111

15-01-2009, 12:20 AM

لازم يكون القوس اللي بيوضع بعد العنصر و بيحوي الخصائص و القيم ان يكون بالشكل ده { } يعني مينفعش اي قوس تاني.
كمان لغة css بتتفق مع لغة html في انها لغة غير حساسة بالنسية لحجم الحروف وعلى عكس لغة زي مثلا ********** اللي بتكون حساسة جدا بنسبة لحجم الحروف.
يعني ممكن تكتب اكواد ال css بالحروف الكابتل او السمول ولكن يفضل ان يكون كل الحروف سمول.

يمكن كتابة اكتر من خاصية للعنصر الواحد عن طريق استخدام الفاصلة " ; " بين كل عنصر " بقيمته" و عنصر اخر.
و هتكون بالشكل التالي:

كود:

	<style  type="text/css">
	p{color:#111111 ; font:30}
	</style>

وطبعا اي كود لل css بنكتبه بين تاج ال style زي ماهو مكتوب كده.
مع ملاحظة ان الحجم بيتم حسابه تلقائيا بالبكسل.

15-01-2009, 12:21 AM

العفو و بالنسبة لموضوع ال p ، طبعا مش ثابت و ممكن كنت احط اي عنصر تاني لكن انا اخترت ال p " واللي طبعا بيعني باراجراف".
وبالنسبة لل type="text/css ده لازم يتكتب بالشكل ده و مفيش حاجة تانية بديلة، لكن ده طبعا بالنسبة ل type مدام عايزين نسنخدم لغة ال css.

بعض الخصائص بتحتوي على اسمين و عشان كده بنسميها مركبة زي مثلا الخاصية اللي بتخلينا نقدر نغير نوع الخط و هي font family ونكتبها في ال css بالشكل ده "font-family" ، يعني لازم بنحط الشرطة الصغيرة دي بين الكلمتين وده في كل الخصائص اللي بتحتوي على كلمتين " وما اكثرها ".

15-01-2009, 01:40 AM

طرح طيب اخى الكريم وان شاء الله اتابع الدورة
وقد ذكرتنى بدورة لغة html كنت قد وضعتها من فترة وتوقفت لانشغالى
ان شاء الله اضع ما طرحته بين ايديكم
بارك الله فيك
تحياتى وتقديرى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعلم لغة العصر ... تعلم اللغة الانجليزية!!!!!!!	كمندر	منتديات اللغات الأجنبية	2	14-11-2010 12:10 PM
أول دورة عربية (( دورة المستأنس خلف تقنيات الفوتوشوب cs5 ))	ياسر الهوبي	المنتديات التقنية : الكمبيوتر والانترنت والجوال	0	17-06-2010 08:15 PM
هدية حصرية 29 رواية بروابط مباشرة!!!!!!	مستخد	علوم وثقافة	1	12-09-2009 04:38 PM
دورة فى التجارة الالكترونية	admin	تطوير المواقع والمنتديات والاستايلات ولغات البرمجة وإشهار المواقع ومحركات البحث	1	23-04-2009 09:22 PM
دورة icdl	admin	المنتديات التقنية : الكمبيوتر والانترنت والجوال	2	21-02-2009 03:42 PM

الذين يشاهدون محتوى الموضوع الآن : 1 ( الأعضاء 0 والزوار 1)