رحلة الى بلاد الهند

القارة التي تختزل العالم والتاريخ في مكان واحد

شبه القارة الهندية

بلاد العجائب
الهند
INDIA

نماستيه
( مرحبا بالهندي )



مجرد ما تسمع اسم الهند, رح يطلع من خيالك الآلاف والآلاف من الألوان والصور والموسيقى
المناظر الطبيعية الواسعة , الحب والغناء , تاريخ الحب وتاريخ الحرب ....



باختصار تعتبر الهند اختصارا لكل حضارات وألوان العالم.... والعديد من الناس قالوا أنها ( سحر الشرق )




اليوم رح يكون التكت علينا والفيزا علينا ... ورح نقلع معاَ إلى مدينه السحر إلى بلاد العجائب .... إلى الهند .
اربطوا الأحزمة ..... ستنطلق الرحلة ... برعاية المضيفة اللطيفة




تاريخ الهند

الهند أو متل مابيقولو عنها ( شبة القارة الهنديه ) هي مزيج من عدة حضارات وعدة ديانات واعراف اجتمعت تحت اسم واحد ساهم في تكوينه ( غاندي ) ويلي كان معروف بالعالم بأنه قاد الثورة الهندية ضد الاحتلال الانكليزي ... وقدر غاندي انو يحصل على مايريد من بريطانيا على الرغم من ان خلال الثورة التي جابت اطراف البلاد لم تطلق رصاصة واحده من طرف الهند , كانت ثورة سلميه واراد غاندي اثبات نظريته بأن العقل قادر على مواجهة اكبر المعدات العسكريه ....



مات خلال هالثورة الالاف من الهنود وتعرض جزء كبير منهم للتعذيب على يد الانكليز , وبقى غاندي على رأيه ولم يرفع أي سلاح او يطلق أي رصاصه , ..




حققت الهند استقلالها عام 1947 وكان الحكم فيها جمهوري ديمقراطي يقوده مجلس الشعب ورئيس للجمهورية ...



الهند عبارة عن حضارات كتير ..... اكبرهذه الحضارات هي البوذيه نسبة لبوذا ...




بيقولو انو بوذا هو عالم قديم حكيم وكان له صله مع الله وبالتالي هو قادرعلى عمل كل شي ....وبالتالي ايضا هو الله الذي يجب ان نشكره ونصلي له .... والطقوس بتقول لازم نشغل شمع حولين التمثال ونحرق نوع معين من البخور كرمال نستحضر روح بوذا لما بدنا نصلي




عدد الأرباب الذين يؤمن بهم الهنود يتجاوز المائة وخمسين الهه ... وامور التقديس عندهن شغلة مهمة ....
من المضحك انك قد تكون في مكان ولا تستطيع اكل أي نوع من اللحم ... لانه قد يكون جارك يعبد البقرة وجارك الاخر يعبد السمك وجارك الاخر يرى في الدجاج حيوان مقدس ... ( شوبدنا ناكل يعني !!! )
طبعا غير انو في نوع بيقدس الفئران ونوع بيقدس السعادين .... ( وعلى سيرة السعادين , اهلي منعوني روح عالهند بس ماعرفت ليش !! )


الشعب الهندي من طبيعته شعب مسالم , وفعلا الشعب تأثر كتير بثورة اللاعنف الي قام فيها غاندي ....
الهند بلد يغلب عليها طابع الفقر .... طبعا في ناس معها مصاري وعندهن صناعة نووية وغير الصناعات الاخرى ولكن الفئة الغالبة هي فئة الشعب الفقير ...




الشعب الهندي سعيد بوضعو وقليل ما بيفكر بالحضارة على انها امر لا بد منه , لذلك ممكن لهلق تلاقي الهندي حلمو يشتري دراجة هوائية , أما السيارة لا تخطر بباله ابدا وان كان معو حقها ... ( طبعا الاغلبية مو الكل )
والطرطيرة وسيلة نقل كتير مهمة ومعتمده بالهند




وصلنا عالمطار ...

من زمان وعبرالتاريخ كانت بلاد الهند هي بلاد الحرير والبهارات , ولحد الآن تشعر ان رائحة البهارات موجوده في كل مكان , حتى الهندي الذي بيخرج من بلده بتلاقيه يحمل هالرائحة معو , لانه اكلهم يعتمد على ركيزه اساسية وهي الأرز مع البهارات والكاري ... لذلك نصيحة قبل ما تنزلو من الطيارة فكرو جيدا فيما اذا كنتم قادرين على تحمل رائحة البهارات أو لاء ...




المدن الرئيسية بالهند فيها ابراج وشركات كبرى و انتاجات ضخمة واموال تضخ يوميا , ولكن نحنا اليوم مارح نفوت على دلهي او نيودلهي او بومباي ... رح نطلع بالرحلة على الهند الحقيقية على الريف والبلاد الي منشوف فيها هند عنجد ....








مين فيكون مابيعرف عن قصة تاج محل وشاه جيهان ؟



مين فيكون ماسمع عن نهر السند الي أوله عند تاج محل واخره بالجنه !!؟
طبعا اكيد مو اخرة بالجنه ولكن حسب الديانه الهندوسية , وبعد حرق جسد الميت , بيرمو الرماد بنهر السند على اعتقادهم انو هالنهر بيصب بالجنه والميت بيروح دغري جسدا وروحا الى عند البوذا ويعيش في النعيم هنيك ....



الأكل بالهند ...
طبعا وصلنا من السفر تعبانين وجوعانين , وحديثنا عن البهارات والكاري اكيد فتح شهيتنا لمائدة من المأكولات الهنديه الأصيله ......

رح نحكي عن بعضها بسرعة ...

البرياني : أرز مطبوخ مع لحم دجاج او سمك او بقر حسب المعتقد او حسب المتوفر ... تطبخ مع البهارات والصلصه .... ويجب ان تقول اسمها وانت تهز براسك كي تخرج الكلمة بشكلها الصحيح ( بيرريااانييي )
على فكرة هز الراس تراث هندي اصيل وعلامة فارقة للهندي الاصيل عن الهندي المستورد ...



الشباتي ( الباروتا )... اسمين لنوع من الخبز الهندي المصنوع بطريقة خاصة , يعني متل الخبز بس مو خبز .. قريب من العجين تقريبا .... عادة بيفطر الهندي الشباتي مع بيض مسلوق او بيحط فيه جبنه او أي نوع اخر وبيلفها وبياكل منها مع موزة او مع كاسة لبن عيران .... ( فطور ملوكي )



سمبوسك ... من اكثر الاكلات الهندية المشهورة بشكل عالمي .... عن البوذيين يلي مابياكلو لحم تعتبر السمبوسك من اهم الاكلات لانهن بيحشوها خضراوات فقط .... ومواد نباتيه فقط.

وغيره من الاكلات الهندية اللطيفة والجميله ويلي معظمها بيكون منظرها مليء بالألوان والبهارات ...




بعد هالاكل لازم ناخد راحة طويله

رح اعطيكم معلومات عامة ودرس باللغة الهندية

معلومات عامة :-
عدد السكان : حوالي مليار ومائتان مليون نسمة ( نصهن بدبي J )
عدد الديانات : حوالي مئة ديانه تتنوع مابين ديانه سماويه ( كالاسلام والمسيحيه ) والوثنيه ( كالالهندوسية، البوذية، الجانية والسيخية. )
عدد المدن : تنقسم الهند إلى ثمان وعشرون ولاية , موزعة على ست اقاليم اتحاديه ..
العاصمة : دلهي وتعني بالعربيه ( قلبي ) .... رح اعطيكن درس باللغة الهندية

السلام <------------ نمستي

اشلونك؟ <---------- كيساهي؟

انا طالعه \ رايحه <---------- مي جاريو

الصداقه <---------- دوستي

اوكي \ نعم \ حاضر <---------- جي \ اجا

لا <---------- نهي

انا اسفه <---------- مجي ماف كرو

احبك <---------- هم تمهاري بيار كرتيهي

الحب <---------- مهبت \ بيار

قلب <---------- دل

صحيح ؟ <---------- شوتي؟

اليوم <---------- ابتوم

لاشئ <---------- كج نهي

قول <---------- بول

ما اسمك >==== كيا نيم هي؟

بنت >====== لركي

ولد>====== لركا

اخى>== ميرفاي

صديقتى>===ميريدوز

اادنيا >== دونيا سهله حدها

ميدان>== ميدان هم سهله

اكره> == نفرت

شنو >== كيو؟

بسرعه>== جلدى

اذهب >== جلو

منقول
يالله بالبركة صرتوا فلتة في الهندي