حال المنتدى " أرجو الاهتمام "

بسم الله الرحمن الرحيم

الاخوة والاخوات اعضاء الادارة
اسمحولى اتكلم عن حال المنتدى لانه مش عاجبنى بصراحة
انا حاسة ان المنتدى هادى زيادة عن اللزوم ومحتاج لشئ من النشاط مننا كلنا والمشكلة ان اغلب طاقم الاشراف متغيبين وطبعاً انا واحدة منهم مش هنكر .. بس فى مجموعة مختفين تماماً ومن غير ما نحدد أسماء .. وكمان احنا .. أصبح تفاعلنا مع المواضيع هادى جداً
يعنى نادراً لما بنلاقى موضوع اخذ اكثر من صفحة وطبعاً فى مواضيع لا تتعدى رد او ردين فقط حتى الردود دى بيكون اغلبها الجملة المستفزة جداً
شـكــ وبارك الله فيك ـــرا لك ... لك مني أجمل تحية .
لكن فى منتديات اخرى بيكون التفاعل فيها اكبر والنشاط اكتر
انا حاسة ان الرحيق بقى مقتصر علينا احنا بس حتى المشرفين اللى بيحضر منهم بحس انه بيبقى فى حاله
حد فيكم عنده حل للوضع ده ؟؟

كلامك صحيح وان كان هناك اعضاء كتير بيدخلوا على الرحيق لكن بلا مشاركة فعاله

بمناسبة موضوع طاقم الاشراف

لازم نحدد الاول دور المراقبين ثم نبحث فى موضوع الاشراف وده موضوع قديم جديد

احنا حاليا محتاجين عدد كبير من المشرفين

وشكرا على الموضوع ده بمثابة الحجر فى الماء الراكد

انا شايف ان مشكلة المنتدي هو عدم الانتشار .. يعني عدد الزوار قليل جدا جدا عاوزين خطة دعائية للمنتدي مثلا عن طريق مجموعة ابونواف او اي مجاميع اخري انتو عرفنها مثلا .. لو اي حد عنده فكرة دعائية للمنتدي يتفضل
اما الاشراف سوف ياتي مع زيادة اعداد اللاعضاء
هذا ما يحضرني حتي الان

ارجو ان نجد حل ويزيد الزوار
انا برحب باى خطه لحل هذه الازمة

عندي ملف فيه مليون ايميل ممكن تستخدمه بارسال دعوة للمنتدي مع بعد المواضيع الذي تجذب الاعضاء ....
اي رايك

يا ريت يا محمد

اعمل فى ملف تكست وارفقه فى مشاركتك ولانا هستخدمه

يا جماعة انا برضه حاسة ان المشكلة فينا احنا
احنا اللى بنهمل المواضيع ومش بنرد عليها
وبالتالى بيبقى مفيش نشاط فى المنتدى
يعنى انا مثلاً عندى فكرة مسابقة فى لعبة وكمان موضوع لساحة الحوار لكن لحد دلوقت متردده انى افتح الاتنين لانى حاسة انى مش هلاقى تفاعل والمواضيع دى هتموت زى غيرها .
انا فاكرة المنتدى فى بدايته كان شعلة من النشاط سواء من بيبرس او ذو الفقار او الاشتر او نردينيا او زهرة او مجد الغد ....
بصراحة كلهم كانوا شعلة من النشاط وبيتفاعلوا مع المواضيع
انا مش عارفة احنا ليه مش بنسخن مواضيع المنتدى ونعمل حالة حوار وشد وجذب ونبطل حكاية الرد المجاملة بتاع شكراً وبارك الله فيك ده .
صح ولا انا غلطانة ؟؟؟؟

السلام عليكم ورحمة الله وبركاته

يابنتى هتقعدى تقولى سنه عندى فكرة نفذى على طول يلا

زى ما احنا نفذنا تغييرات الاستايل والهاكات وقلنا هنضرب هههههههه

نفذى وبلاش ترد واعملى اللى عليكى

اما انا عارفة انى اكتر واحدة مقصرة بس اتمنى تسامحونى الفترة ديه واللى جايه

بس انا حاليا فى امانة فى رقبتى وصاحبها سايبهالى وسافر لزيارة اهله وانا بحاول اوفق بين منتداه والرحيق

لان الضغط كبير وعليا لوحدى هناك

وان شاء الله هرجع انشط من الاول

بارك الله فيكم

مع تحياتى واعتذارى

[align=center]لو مطلوب منى اى حاجة فى الفترة دى ياريت تحددوهالى لأن وقتى محدود على النت انا بقعد غالبا يوميا لكن مش كتير فلو فى حاجة ادخل اعملها أول ما أقعد على المنتدى بدل ما ضيع وقتى .

و طبعا استحملونى اليومين دول أو ممكن آخد أجازة بدون مرتب لحد نص السنة يعنى هو تقريبا شهر و بعدها هكون فاضية إن شاء الله .
[/align]

(و بالمانسبة لو حد عنده فكره اعملها موضوع تحقيق صحفى ياريت مايبخلش بيها عليا عشان المفروض انى اعمل تحقيق صحفى و انا مش عارفة اعمل عن ايه )

(و بالمانسبة لو حد عنده فكره اعملها موضوع تحقيق صحفى ياريت مايبخلش بيها عليا عشان المفروض انى اعمل تحقيق صحفى و انا مش عارفة اعمل عن ايه )

موضوع الساعة
الازمة بين مصر والجزائر الاسباب والابعاد ومن يصطاد فى الماء العكر وكيف الحل والاصلاح

نرجو لكى التوفيق والسداد ولا يهمك اهم شى مستقبلك