الشيش طااووق بالصور

سلام عليكم

طريقة عمل الشيش طاووك وصور بصراحة أختى هى اللى عملته لكن أنا كنت المصور والطريقة دى هى مجمعاها من تلات طرق مختلفة ، و بجد طلع طعمه تحفة أجمل من بتاع بره.

هى أكله سهلة وبسيطة ومش محتاجة محترفين يعنى بس المهم "النفس"

أول حاجة طبعا المقادير: (أنا هقول المقادير اللى هىشتغلت بيها وكل واحد يظبط نفسه بقى والكمية اللى عنده)
*****************

1- كيلو صدور فراخ (لو طالبة معاكى قوى الوراك مفيش مشاكل بيبقى طعمها احلى بس دسمة ومشكلتها فى التقطيع هيبقى صعب)

2- 5 ملاعق كبير زيت زيتون (او اى زيت نباتى) 3- 4 فصوص ثوم

4- كزبرة وبقدونس فريش 5- معلقتين زعتر برى ناشف

6-ملح وفلفل وكمون حسب الطلب او المذاق يعنى و 1/4 معلقة قرفة

7 - كوب زبادى أو ممكن 125 مل لبن بس الزبادى احلى

8- 2 مكعب مرقة دجاج تدوبيه فى 1/4 كوب ماء ساخن

9 - حوالى 3 لمونات معصورين

10 - معلقتين صلصة طماطم

11 - 3/4 كوب خل


12 - أخر حاجة بقى بصل وطماطم وفلفل اخضر مقطعين مكعبات والفلفل طبعا مربعات لانه مش هينفع مكعب ههههه وبرضة حلقات جزر كدة على الماشى

13- نسيت اقولكو عايزين عصيان خشب دى من بتاعة الشيش طاووك دى


طريقة العمل procedure
******************
1) قطعى الفراخ مكعبات او متوازى مستطيلات على قد ما تقدرى

2) حطى الكونات من 2 - 11 كلهم فى الخلاط واضربيهم ( هتخافى شوية وانتى بتحطى لبن على مرقة على زيت وكدة بس متخافيش
هى جربتها ولما هتضرب هتبقى شكلها حلو)

خليط دة هيبقى قوامة لزج كدة شوية مش سائل يعى( زى الصورة كدة ودى وهو الفراخ جواه)




3) انقعى الفراخ كلها فى الصوص دة لمدة لاتزيد عن 24 ساعة ولا تقل عن 3 ساعات ( واحسن حاجة يعنى 12 ساعة بس لو هتغيبيها كدة يبقى فى التلاجة !)

4) تجيبى الطماطم والفلفل والبصل والفراخ والجزر قدامك وتجيبى العصيان الخشب اللى قلنا عليها

5) تبدأى تدخلى فى كل عصاية طماطماية وبصلاية وفلفلاية وحتة فرخة وكدة يعنى بالتبادل بقى لحد ما تخلص العصاية



6) رصى كل العصيان لحد ماتخلص الفراخ وبكدة دة بقى اسمه الشيش



7) حطى بقى كل الشيش فى صينية انتى مجهزاها عشانه يعنى ( إلا لو كنتى ناوية تشويه على الفحم)

8) صبى الباقى من الصوص كله على الشيش من فوق





9) جهزى بقى الفرن أو الشواية وحطى فيها الشيش لحد ما تحسى انه استوى

10) طلعى الشيش من الفرن وقدميه فى اطباق وبالهنا والشفا ادعيلى

ايه الحلاوة دي الطعم والريحه وصلت السعودية تسلم ايدك اختي وتسلم يد اختك كمان فعلا من الاكلات المفضلة عندي

ربنا يخليكى يا زهرة

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .