لمسات الحرير مع نسمة الهجير

شكرا يا نسمة على الصور والجولة الرائعه فى اسيوط

المشاركة الأصلية كتبت بواسطة النهر الخالد

صور رائعه لمحافظة بديعه

شكراً لك اخى النهر الخالد على الكلمات الرقيقة
ونورت موعد مع الاحبة

المشاركة الأصلية كتبت بواسطة النهر الخالد

سؤالى الخاص

اهلاً بأسئلتك اخى النهر

سمعتى عن الدهب الصينى ؟ ما رايك فى الصين والعملاق القادم ؟

فعلا اخى النهر .. المنتجات الصينية انتشرت فى مصر انتشار غريب
ملابس .. موبايلات .. اجهزة كهربائية ....... واخيراً الذهب الصينى
اعتقد ان قريباً الصين هتصدر " بنى أدمين " هذا ان لم يكونو هنا بالفعل , ففى اى معرض تجد اغلب البائعين من الصين ولديهم جميع المنتجات .
الصين دولة متحضرة ومتقدمة تُقدر العمل وتسعى جاهدة نحو التقدم واتمنى اننا نكون مثلها .
وبالنسبة للذهب الصينى .. هو الفكرة كانت غريبة فى البداية لكن فيما بعد انتشرت وسهلت على ناس كتير .
فبدلاً من استعمال " الفالصو " اصبح لديهم الذهب الصينى , شكله جميل يُشبه الذهب الحقيقى وبتكلفة أقل وبيدوم لفترة اطول .
طبعاً الذهب قيمته فيه , لكن انا رأيى الشخصى ان الذهب الصينى اتاح للكثير -ممن ليس لديهم امكانيات- انهم يحصلو على شئ بسيط من الزينة التى يتمتع بها غيرهم وتمنعهم قلة ذات اليد من الوصول اليها , يعنى هى فكرة تنفع ولا تضر .
هذا هو رأيى .. و الله اعلم .
اسعدنى تواجدك اخى النهر

المشاركة الأصلية كتبت بواسطة الاشتر

يا ربى حرب ومبارزة وسيوف واحزاب واعوان لمجرد سؤال

طبعاً .. اللى يدخل عش النحل
يستحمل اللى يحصلة

المشاركة الأصلية كتبت بواسطة الاشتر

[/center]


انا افتكرتك هتقولى كرسى فى دماغه هههههههههه

ههههههههه
انت اجلس على كرسى الاعتراف ومالكش دعوة

يبدو انك اتعلمتى تسوسى نسمة وتقولى على بنت بلادى برضوه امال ده تسميه ايه

بقى دى سواسة !!!
أمال أسئلتكم تبقى ايه ؟؟؟

المشاركة الأصلية كتبت بواسطة الاشتر

مرحبا بعودتك من جديد نسمة
واليك دفعة جديدة من الاسئلة

نفسى أعرف هما كام دفعة بالظبط ؟؟
ههههههههههههه

فارقت الحياة ام الحياة هى التى فارقتك ؟ اى التعبير الذى يناسبك ولماذا؟

لا حول ولا قوة الا بالله

انا لم أفارق الحياة لانى ما زلت على قيد الحياة -وبلاش تفول عليا-
كما أن الحياة لم تفارقنى ايضاً ..
فأنا مقتنعة بأن لى حياة واحدة لا غير ولابد أن أعيشها لانها حياتى , حتى وان عاندتنى الظروف فلابد أن أتغلب عليها وأتعايش مع الواقع , أما ان أفارق الحياة وأنا مازلت فوق سطح الارض فهذا قمة الضعف والاستسلام , ويكفينى أن أعلم بأنه " لا يجرى فى هذا الكون الا ما قدره الله تعالى ".
وطالما أن الله قدر لى هذه الحياة فسأعيشها وأنا راضية وسأواجه ما بها من صعوبات ولن أعيش ميته مهما حدث .

ماهو الشىء الذى تحبينه فى الطبيعة؟؟؟

البحر والخُضرة .. فهما قمة الجمال والروعة
وتتجلى فيهما عظمة الخالق جل وعلا .

تشعرين بان بداخلك ميزة تميزك عن باقى البشر ما هى؟؟؟

لا .. ليس عندى شئ أتميز به عن باقى البشر
قد أكون طيبة القلب .. ولكنى لا أنفرد بهذه الصفة
فهناك كثيرون يتمتعون بهذه الصفة .

الفضول وحب الاستطلاع......هل ترينهم ميزة ام عيب؟؟؟ولماذا؟؟؟

حب الاستطلاع .. ميزة فى الانسان تجعله يكتشف كل ما هو جديد ومفيد .
أما الفضول .. فهو من أكبر العيوب , و بصراحة أنا لا أتحمل الفضول ودائماً اقول : مَن تدخل فيما لا يعنيه .. سمع ما لا يُرضيه .

ما الموقف الذى افرحك داخل المنتدى ؟؟؟

كل ما يحدث فى المنتدى من مناسبات سعيدة كنجاح وزفاف وغيره
ويكفينى فرحاً اننى احد اعضاء اسرة الرحيق
نتشارك الافراح بقلوب صافية مليئة بالحب

ما الموقف الذى احزنك داخل المنتدى ؟؟؟

بلاش احسن ...

شخصية تتاابعين مواضيعها باستمرار ومواضيعها هادفة دايما ..... من هو او من هى؟؟؟

جميع الاعضاء بلا استثناء .. ودا بأمانة
فجميع افراد اسرة الرحيق يتمتعون بقدرة فائقة على انتقاء المواضيع الجذابة والمفيدة والقيمة , جميعهم متميزون -من غير مجاملة- وانا احاول ان اتابع الجميع قدر الامكان .

جملة تحبين ان تقوليها لنا دائما وتلح عليك؟؟؟

إنى أحبكم فى الله .
جعلنا الله فى رباط دائم الى يوم القيامة .

اذا واجهت شخص هددك بشىء ويريدك ان تفعلي ما يريد ماذا تفعلين؟؟؟

سؤالك غامض .. ايه نوع التهديد .. وماذا يريد ؟؟؟
وضح سؤالك علشان افهم ..
فأنا فى العادة لا أحب التهديد .. بمعنى أصح " عِنَديه "

هل انت متشائمة ام متفائلة؟؟؟ ما دليلك على ذلك؟؟؟

أنا متفائلة لابعد الحدود ودائماً اقول : غداً أفضل
أكبر دليل اننى لازلت على قيد الحياة
وابتسامتى لم تختفى من وجهى
كن جميلا وابتسم

الدنيا غدارة جداااااااااا ....مالشئ الذى غدر بك ؟؟؟

الدنيا عاندتنى فى اشياء كثيرة من اهمها الوظيفة واشياء مماثلة انا بعتبرها تفاهات ممكن التغاضى عنها .
لكنها لم تغدر معى لدرجة انها تترك أثراً فى حياتى .
والحمد لله .

حكمة ترددت كثيرا على اذنك لدرجة انك كرهتيها

هههههههههههههههه
" اللى ياكل على ضرسه ينفع نفسه "
هذه المقولة تقولها لى والدتى دائماً عندما تيأس منى

المشاركة الأصلية كتبت بواسطة بنت بلادى

لى عودة مرة أخرى معاك يا نسمة لكن بعد أن تعيدى إجابة السؤالين

يا حبيبتى انتى تسألى فى أى وقت
بس لازم أجاوب يعنى

اذا عرضت عليك الوزارة فى يوم ما فأى وزارة ستختارين ولماذا ؟ وما هو اول قرار ستأخذيه ؟
مش مسموحلك تعتذرى لازم تختارى

هعمل ايه .. حكم القوى ههههه .
اكيد هختار وزارة التربية والتعليم
اول قرار انهى أنشئ نظام تعليمى جديد بعيد عن الحشو والتعقيد
وطبعاً دا فى الاحلام .

- بعد عمر طويل إن شاء الله جيتى تبنيلك بيت فى اسيوط و انت بتحفرى اكتشفتى ان تحتك مقبرة اثرية يا ترى نسمة هتبلغ عنها على طول و لا هتفكر شوية و تقول دى تحت أرضى و ممكن ياخدوا الأرض بدون مقابل يبقى ابلغ ليه؟ و لا تاخدى منها كام حاجة و بعدين تبلغى؟

صدقينى مش عارفة .. يمكن اخد جزء واسلم جزء
يمكن اسلمها .. يمكن اخدها
ساعتها هشوف الظروف ايه
بس اطمنى .. هبقى اعمل حسابك معايا

ياريت تكونى استعنتى بالجمهور و عرفتى رأيهم و تجاوبيلنا على السؤال

وحياتك الجمهور استندل معايا وما عبرنيش

المشاركة الأصلية كتبت بواسطة الظاهر بيبرس

شكرا يا نسمة على الصور والجولة الرائعه فى اسيوط

العفو اخى الظاهر .. انت تأمر .
واتمنى انك تنور اسيوط وتشوفها على الطبيعة .
وما تقلقش هبقى اشوفلك مرشد سياحى موثوق فيه.
مش خيبة زى حلاتى .
ههههههههههه

المشاركة الأصلية كتبت بواسطة نسمة الهجير

ههههههههه

انت اجلس على كرسى الاعتراف ومالكش دعوة

لا يا ستى الكراسى فى بيتنا مريحة جدا ومش محتاج اغير

[align=center]يا جماعة يالا معاد نسمة قرب يخلص كلها يومين عايزة نشاط [/align]

[align=center]معلش يا نسمة انا مش قادرة اسألك حاليا انت عارفة ظروفى حتى أسألتى اللى قبل كده ماكنتش من مقامك بس معلش هحاول اسأل باليل لو قدرت [/align]