إعلان الحرب على بيبرس

السلام عليكم ورحمة الله وبركاته,,,,,,,,,مرحبا بك ياالظاهر بيبرس ,,,,,,,,,,,,,,

وعليكى السلام اختى نسيم الورد
اهلا بك فى مفرمة او حرب بيبرس
هاتى ما عندك

1- من الشخص الي في المنتدى وشبه كل يوم تقابله؟

هناك اشخاص كثيرون بالمنتدى هم فى الاساس من اصدقاءى واحبائى
ومنهم ذو الفقار صديقى ودفعتى
الاشتر صديقى وجيرانى
السفير ولمح البصر
ولكن ليس كل يوم اقابلهم ولكن حريص على ان اقابلهم واودهم وخاصتا ذو الفقار

2-أكيد مريت بحالة عاطفية في هذه الفترة كيف كانت ؟ وشرايك في الحياة العاطفية؟

عاطفيا بمعنى حب بين ولد وبنت ومقابلات وتليفونات وكلام من ده لم يحدث ولله الحمد
ولكنى كشاب لديى مشاعرى قد اكون اعجبت بفتاه واخلاقها وتمنيت ان اتزوجها فهذا وارد ويحصل لكل البشر ولست استثناء
ولكنى لا احب ان اعبث ببنات الناس او اورطهن فى علاقه اقلها خيانه لابويها وزنا بالكلام والنظر فيما حرم الله واقصها الوقوع فى الحرام وخراب بيت الناس
اعتقد اننى ساكون فى حالة حب مع امراة واحده لم تاتى الى الان وهى زوجتى

3-حين تضيق بك الدنيا الى من تلجأ بعد الله ؟

بعد الله سبحانه وتعالى
الجا الى اقرب شخص لى وهم عائلتى
ثم اصدقائى المقربين

ماهي الفائد الي جنيتها من جلوسك خلف الشاشة ؟

ساكون صريح معاكى فى هذه النقطة
العمل والخروج على الزرق اولى وافضل من الجلوس على الانترنت لساعات حتى ولو كانت فى الدعوه
فالانترنت رغم انه ثرى ثقافيا وعلميا وجذاب الا انه يضيع الوقت ويقتل الهمة الى العمل
بصراحة انا خسرت اكتر مما كسبت
وانا بحاول اقلل عدد ساعاتى على الانترنت ويكاد يكون الرحيق حاليا هو الوحيد الذى اشارك به ويمكن هو السبب الحقيقى لبيع المنتدى ونقل ملكيته الى اخواى المساوى وزهره هو رغبتى فى عدم الجلوس لفترات طويله على الانترنت

5- ماهو مبدأك في الحياة؟

التمس لاخيك الف عذر
واعمل اللى عليك وسيب الباقى على الله

6-اذكر موقف طريف حصل لك ايام المدرسة ؟

اطرف موقف حصل وانا طفل بالصف الثالث الابتدائى
كنت وزالت اكره الحساب والرياضيات
ويبدو ان مدرسة الرياضيات كانت متسلطة جدا وكانت دائما ما تسالنى وتحرجنى فى الحساب
وكنت اكره حصتها جدا وفى يوم ما طلعتلوتش شمس كتبت الابله مسئلة حساب فى وسط السبورة بخط كبير متحديتا الطلاب فى الاجابه فى الواقع وسط سكون الفصل من صعوبة المساله المهببه لم اتوقع ان تترك الفصل كله وتسالنى انا
وقد كان
وبصوت عالى بدات فى توجيه السؤال واخراجى الى السبورة وبدات تحرك زراعها الممتلى بالمصاغ الذهبيه وسط ضيقى وقلة حيلتى لم اجد الى يداها قريبه من وجها فقمت بامساك يدها فجاءها وعضها عضه شديده وسط صرخة من المفاجاه
لا اعرف ما حصل بعد ذلك بالضبط بس فاكر العلقه السخنه اللى ابويا ضربهالى لانه اضطر الى الذهاب الى المدرسه ومقابلة الابلة والاعتذار لها

الغريبه ان الابله بعد ذلك توقفت عن ازعاجى باسالتها واصبحت ودوده معى جدا لا اعرف هل بسبب خوفها من عضه جديده ام لانى اصبحت اعرفها جيدا ؟
على فكره الموقف ده محرج مش مضحك

المشاركة الأصلية كتبت بواسطة الظاهر بيبرس

ده انتقام صعب
دماغى وجعتنى من كتر الاسئلة
مش عارف نفسهم اتفقت ليه للاسئلة
على العموم ربنا يقوينا على هذه المفرمة

ربنا معاك اخى الظاهر وان كنت اراها ملحمة حب واحترام
وكل هذه الاسئلة توضح ما تمتلكه من رصيد فى قلوب اعضاء منتدى الرحيق
هنيئا لك اخى الظاهر فانت من اثرياء هذا المنتدى

اخى الكريم بيبرس

اهلا بعودتك نسمة الهجير

لمن توجه هذه العبارات " اقصد اشخاص " :
1- استفدت منك كثيرا .....

ذو الفقار وخاصتا عن الشيعه فهو رجل موسوعى عن الرافضه

2- اخطأت فى حقى لكن مقامك عندى اكبر من خطئك .....

اعتذر عن الاجابة عن هذا السؤال .......................

3- اخرج من حياتى ولا تعود ......

منتدي التاريخ التابع لموقع الشيخ محمد موسى الشريف

4- اشكوك الى الله ......

هناك ناس ظلمونى وظلموا عائلتى بلا سبب ولذا اشكوهم دائم الى الله وللاسف من اقاربى

5- انت محكوم عليك بالسجن فى قلبى مدى الحياة ......

امى وابى واختى واخى
هولاء كتب الله على ان يظلوا فى قلبى احبهم مهما حصل الى الابد

6- شكرا على كل ما فعلته من أجلى ........

امى ثم امى ثم امى

7- لولاك ما عرفت طعما للحياة ........

منتديات الرحيق المختوم

اتمنى ان الاسئله تكون سهله .. ولك ان تحذف ما تشاء
او تختار شخص توجه له اكثر من عبارة
اعانك الله على حربنا

مفيش فى هذه الحرب شى سهل
ربنا يقوينا عليكم يا مفترتين

شكراااا لك اخي بيبرس موفق جدااا في اجاباتك
جزاك الله خيراااا ورزقك بزوجة صالحة تقر بها عينك

اخي الظاهر بيبرس اليك الاسئلة التاليه

1_ عضو تقول له احبك في الله ؟

2_ عضو تقول له انت متالق؟

3_عضو تقول له شكراا ؟

4_عضو صديق لك الى الابد؟

لي عودة باذن الله .. موفق بالاسئلة

1_ عضو تقول له احبك في الله ؟

كل اسرة الاشراف والسادة المديرين بجد وليس نفاقا

2_ عضو تقول له انت متالق؟

محمد صيام متالق جدا ما شاء الله عليه

3_عضو تقول له شكراا ؟

بصراحة هما ثلاثه كان ليهم دور كبير فى الرحيق المختوم واغرقوا وارثروها بمئات المواضيع الحصرية فى بدايات الرحيق المختوم وهم
الاشتر
مجدالغد
نردينيا

4_عضو صديق لك الى الابد؟

ذوالفقار

لي عودة باذن الله .. موفق بالاسئلة

اهلا بك دائما

ههههههههه ماشاء الله أنا متخيلتش أن حملة الانتقام هتكون واسعة أوى كده و يشترك فيها كل هذه الأعداد لكن اللى مزعلنى ان أنا نفسى مش عارفة أشترك فيها أنا بجد متأسفة لأنى فعلا مشغولة جدا جدا أنا مش عارفة ايه المعاد ده؟؟ لكن برده قدامى لحد آخر الأسبوع إن شاء الله هلاقى وقت .

على العموم لسه معاكم لغاية يوم الخميس القادم

و الله هو انا لو استمريت كده و ملحقتش أمخمخ فى أسئلة و اكتبها همدلك كمان أسبوع حد له حاجة عندى ؟؟

و الله هو انا لو استمريت كده و ملحقتش أمخمخ فى أسئلة و اكتبها همدلك كمان أسبوع حد له حاجة عندى ؟؟

اعملى معروف هو اسبوع واحد
دا يومين بس ووصل عدد الاسئلة والاجوبه الى سبع صفحات كامله
خليكى فى المذاكره الاخوه اعضاء الرحيق قايمين بالواجب وزياده

مافيش مانع نسأل سؤالين على السريع

1- أخى الظاهر انت من سكان مدينة المنيا و الصعيد كله مشهور بكثرة الآثار فيه ياترى انت زرت هذه الآثار و حريص على أن تراها سواء اللى كانت فى بلدك المنيا أو فى الأقصر أسوان .. .. إلخ و لا مش فارقة معاك شوية تماثيل و حجارة واقفة و نايمة من غير لازمة؟

2- هل زرت العاصمة القاهرة من قبل ؟

3- إذا كنت زرتها فكم مرة ؟ و ما أكثر شىء عجبك بها تمنيت أن يكون بالمنيا؟

4 -ايه المدينة اللى نفسك تزورها داخل مصر ؟

5- إذا عرض على الظاهر بيبرس الهجرة خارج مصر إلى أمريكا و سيصبح لديك الجنسية الأمريكية و تعمل كمعلم هناك هل ستوافق و تهاجر؟
و هل سيكون سبب رفضك أو موافقتك هى أمريكا أم فكرة الهجرة


أتمنى أن تكون أسئلتى مفهومة لأنى حاسة أنى ملخبطاها شوية.
تقبل مرورى السريع
بنت بلادى

اعملى معروف هو اسبوع واحد
دا يومين بس ووصل عدد الاسئلة والاجوبه الى سبع صفحات كامله
خليكى فى المذاكره الاخوه اعضاء الرحيق قايمين بالواجب وزياده

هههههه لا يمكن ده مستحيل ده أنابالذات كنت مستنية اليوم ده بشكل و مش هتقوم من على الكرسى إلا أما أخلص انتقامى

(على فكرة أنا بهزر احنا فعلا سعداء بوجودك معانا فى موعد مع الأحبة و مش عايزينك تقوم فرصة لا تعوض و فعلا الإجابات أكثر من رائعة )