سلسبيل فى موعد مع الأحبة حد يصدق

بنت بلادى
اخت طيبة ومحاورة رائعة ماشاء الله واسال الله ان يوفقها فى حياتها كاملة وبلاش موضوع مفيد فوزى معايا ههههههههه

ههههههه حاضر

ولا هتصل باى نمرة من الاتنين
هفضل فوق ولوحدى فما اجمل انك تكون فى الهواء الطلق وفى نفس الوقت بعيد عن الناس وبيكفى المنظر الرائع الذى سوف اشاهده من فوق وان قررت الاتصال فهتصل بنمرة السلك القومى فقط لاحضار لى الاكل والشرب

هههههههههه ، بس ماتنسيش تطلبى كمان لابتوب فيه النت ويرلس عشان احنا مانستغناش عنك حتى لو كنت على قمة الهرم الأكبر

وانا جاوبته بس مش عارفه
هاخد وسام ولا لا ؟؟

طبعا هتاخدى وسام ، مش بيبرس خد وسام أعجب سؤال ، انت هتاخدى وسام أعجب إجابة

المشاركة الأصلية كتبت بواسطة الاشتر

بصراحة انا لقيت سيل منهمر من الاسئلة وتضامنا مع سلسبيل هأجل اسئلتى شوية
بس دا ما يمنعش ان دعوة بنت بلادى للرفق بسلسبيل قد وصلتنى تماما

شوفى بقى الجميل اللى عملته فيكى الأشتر بنفسه وصلته دعوة الرفق

المشاركة الأصلية كتبت بواسطة سلسبيل الخير

4_عضو صديق لكي الى الابد؟


نسمة الهجير

ربنا يكرمك حبيبتى ويديم الصداقة دى للابد
يا رب

حبيبتى سلسبيل ...
اسمحيلى اسألك شوية اسئلة خفيفة :

1- حياة كل انسان عبارة عن مجموعه من الاحلام .. فما هى احلامك من الطفولة " ما تحقق منها - وما لم يتحقق - وما ترين انه صعب التحقق " ؟؟

2- ما هى اكثر مادة دراسية كنتى تحبينها - والعكس طبعا ؟؟

3- ماذا تفعل سلسبيل مع من يجرحها - وهل من الممكن ان تنسى هذا الجرح فى يوم من الايام ؟؟

4- جميعنا نشعر بالتناقض احيانا .. فهل شعرتى يوما انك تناقضين نفسك وافكارك ؟؟

5- لكل منا رسالة فى الحياة نسعى لتحقيقها .. فما هى رسالة سلسبيل فى الحياة ؟؟

اتمنى ان تكون اسألتى " خفيفة " ههههههههه
ولى عودة مرة اخرى .....

السلام عليكم ورحمة الله وبركاته

[quote=بنت بلادى;21790]

ههههههه حاضر

حضرلك الله الخير دوما

هههههههههه ، بس ماتنسيش تطلبى كمان لابتوب فيه النت ويرلس عشان احنا مانستغناش عنك حتى لو كنت على قمة الهرم الأكبر

ولا انا اقدر استغنى عنكم وكنت هعزل كمان شهرين ولان ربنا عالم بحالى من غيركم
الموضوع اتاجل شوى والحمد الله

طبعا هتاخدى وسام ، مش بيبرس خد وسام أعجب سؤال ، انت هتاخدى وسام أعجب إجابة

اعجب اجابة هههههه لا ممكن خروج من ورطة بيبرس


تسلمى بنت بلادى

المشاركة الأصلية كتبت بواسطة بنت بلادى

شوفى بقى الجميل اللى عملته فيكى الأشتر بنفسه وصلته دعوة الرفق

هههههههههه الاشتر انسان طيب ومحترم

ربنا يكرمه

المشاركة الأصلية كتبت بواسطة نسمة الهجير

ربنا يكرمك حبيبتى ويديم الصداقة دى للابد

يا رب

ويكرمك نسمة الهجير

وربنا يخليكى ليا

[quote=نسمة الهجير;21796]

حبيبتى سلسبيل ...

اسمحيلى اسألك شوية اسئلة خفيفة :

اتفضلى حبيبتى نسمة الهجير

1التحقق - حياة كل انسان عبارة عن مجموعه من الاحلام .. فما هى احلامك من الطفولة " ما تحقق منها - وما لم يتحقق - وما ترين انه صعب " ؟؟

احلامى منذ الطفولة انى اكون مدرسة رياضيات ولكنى اصبحت مدرسة تاريخ
حلمى منذ الاعدادية كانت لاخى الصغير الله يرحمه ولكن قدر الله وماشاء فعل
حلمى منذ الاعدادية ايضا التخصص فى مجال الحاسبات وكنت اريد دخول ثانوى صناعى قسم حاسبات ومنها على الحاسبات والمعلومات لكن اهلى رفضوا
وعند حصولى على الثانوية العامة وابتعادى عن الرياضيات والهندسة والفيزياء
قررت من يوم دخولى الجامعه انى اكون دكتورة فى تخصصى واكون دكتورة بالجامعه واتمنى من الله تحقيق حلمى
من احد احلامى هو ان مجموعى كان قابل المعهد العالى لحسابات بورسعيد لكن اهلى رفضوا ذهابى
ده غير احلامى لما كبرت ودخلت الجامعة

2- ما هى اكثر مادة دراسية كنتى تحبينها - والعكس طبعا ؟؟

كنت اعشق الرياضيات وخاصة الهندسة وبالاخص الهندسة الفراغية
وكمان كنت بعشق الفيزياء والاحياء ولما حولونى ادبى فى 3 غصب عنى عشقت التاريخ وعلم النفس
اكتر مادة اكرها هى مش مادة بالمعنى المفهوم بس هى جزء من مادة وهو النحو فى اللغة العربية مكنتش بحبه خالص

3- ماذا تفعل سلسبيل مع من يجرحها - وهل من الممكن ان تنسى هذا الجرح فى يوم من الايام ؟؟

ممكن فى وقتها ابكى واكون عاوزة انتقم لانى بكون مجروحة او مصدومة بمعنى اصح
لكن بمجرد مرور يوم ولا اتنين خلاص الامور عادى وبقول ربى هو حسبى ووكيلى ومنتقمى ممن ظلمونى
وانا من النوع اللى بيقول قادر على جراحه بانى اسلم امرى لله ومش افكر كتير فى ناس مش يستاهلوا
وخاصة لو اخت ليكى عمرك ما بخلتى عليها فى شىء وهى بتطعنك من ظهرك فاعتقد انى لازم اكون اكبر من انى افكر فيها وان انتقمت او عملت زيها عشان انتقم منها هنا هخسر نفسى ومش هفرق عنها فى شىء
فحكمتى المفضلة فى التعامل مع هؤلاء ليس العتب لكن
الرحيل فى صمت
ولا ابكى على اللبن المسكوب لان كل شىء مقدر بقدر

4- جميعنا نشعر بالتناقض احيانا .. فهل شعرتى يوما انك تناقضين نفسك وافكارك ؟؟

لا اعتقد انى شعرت باى مرة من التناقض سوى مرة واحدة لانى كنت مترددة فى خطوة وفى حيرة فالتردد والحيرة هى التى تصنع التناقض
لكن من بعدها قررت الا اخطوا خطوة وانا مش مقتنعه فيها وهنا لا اشعر بالتناقض لاننى انفذ ما اراه واكون واثقة فيه
هو ما انفذه بكل ثقة واقتناع

5- لكل منا رسالة فى الحياة نسعى لتحقيقها .. فما هى رسالة سلسبيل فى الحياة ؟؟

رسالتى مثل رسالة اى بنت كانسانة هى تكوين بيت والحفاظ عليه وتربية وانشاء اولاد صالحين
اما على المستوى الدراسى ارى رسالتى هو استكمال دراستى وتقديم رسالة وبحث اخرج بيه بنظرية تاريخية جديدة ومعلومة لم يصب لها حد قبلى وانشر العلم
اما على المستوى العملى انى اوصل الرسالة اللى توصلت اليها الى العالم وذلك من خلال نشر ابحاثى وتدريسها لطلبة الجامعه

اتمنى ان تكون اسألتى " خفيفة " ههههههههه

ولى عودة مرة اخرى .....

تسلمى على اسئلتك اختى نسمة الهجير
وفى انتظار عودتك الجميلة

[align=center]رائع ياسلسبيل أنا كل ما أقرأت إجابة ليكى بيزداد إعجابى بيكى و بشخصيتك

حلمى منذ الاعدادية ايضا التخصص فى مجال الحاسبات وكنت اريد دخول ثانوى صناعى قسم حاسبات ومنها على الحاسبات والمعلومات لكن اهلى رفضوا
**********
مجموعى كان قابل المعهد العالى لحسابات بورسعيد لكن اهلى رفضوا ذهابى
*********
كنت اعشق الرياضيات وخاصة الهندسة وبالاخص الهندسة الفراغية
وكمان كنت بعشق الفيزياء والاحياء ولما حولونى ادبى فى 3 غصب عنى عشقت التاريخ وعلم النفس

ايه ده من كل اللى فات ده ممكن أسميكى بدل سلسبيل الخير سلسبيل الحديدة أو سلسبيل التى لا تقهر
بجد ماشاء الله عليكى تلات أحلام ليكى تواجهى فيها رفض الأهل شىء صعب أنا كان زمانى اتعقدت و الله

عشان كده سؤالى تقولى ايه للأهل اللى بيغصبوا على ولادهم سواء مجال معين أو اختيار كليات معينة؟ خاصة منتشر عندنا فى الشعب المصرى حكاية العلمى و الأدبى بعضهم يغصب الأبن أو الابنة أنها تدخل أدبى و الآخر يغصب حتى تدخل علمى ، طب ماتشوفوا هى عايزه ايه ، و ثانوى عام أو ثانوى فنى الشعب المصرى ينظر للفنى على انه أقل طالما ابنهم جايب مجموع ثانوى عام يبقى لازم يدخله!! طبعا أى تفكير هذا ؟

ياريت اعرف رأيك فى الموضوع ده

تحياتى
بنت بلادى
[/align]

[quote=بنت بلادى;21824]

رائع ياسلسبيل أنا كل ما أقرأت إجابة ليكى بيزداد إعجابى بيكى و بشخصيتك

الرائع هو انتى وكل اعضاء المنتدى وبلاش تنفخى فيا عشان انا كده هتغر هههههههههه

ايه ده من كل اللى فات ده ممكن أسميكى بدل سلسبيل الخير سلسبيل الحديدة أو سلسبيل التى لا تقهر
بجد ماشاء الله عليكى تلات أحلام ليكى تواجهى فيها رفض الأهل شىء صعب أنا كان زمانى اتعقدت و الله

واتعقد ليه بنت بلادى ده امر الله وربنا بسبب الاسباب بمعنى
انه مش كتوبلى احقق احلامى ولا ادخل التخصص اللى بحبه وربنا جعل السبب فى اهلى
فكله مقدر ومكتوب ولازم ارضى بامر الله وقدره عشان اكون سعيدة فى حياتى لان عدم الرضى = الشقاء والبؤس

عشان كده سؤالى تقولى ايه للأهل اللى بيغصبوا على ولادهم سواء مجال معين أو اختيار كليات معينة؟ خاصة منتشر عندنا فى الشعب المصرى حكاية العلمى و الأدبى بعضهم يغصب الأبن أو الابنة أنها تدخل أدبى و الآخر يغصب حتى تدخل علمى ، طب ماتشوفوا هى عايزه ايه ، و ثانوى عام أو ثانوى فنى الشعب المصرى ينظر للفنى على انه أقل طالما ابنهم جايب مجموع ثانوى عام يبقى لازم يدخله!! طبعا أى تفكير هذا ؟

ياريت اعرف رأيك فى الموضوع ده

بخصوص الثانوية العامة لانه كان بطبعى شاطرة من يومى ومش بحب الدروس فماما كانت مستخسرة مجموعة الكبير اللى فى الاعداديبة ادخل بيه ثانوى صناعى بس انا يوم بصيت للامد البعيد ان الصناعى سهل وانا شاطرة كمبيوتر وكان عندى امل ادخل حاسبات او هندسة بس هى ثقتها فيا قالتلى ادخليها من الثانوية العامة بس للاسف محدش يثق فى الثانوية العامة اساسا
ثانيا ماما غصبت عليا ادبى لانه شافته فى مصلحتى لان كان اخويا اللى يرحمه تعب واتحجزت بيه فى المستشفى قبل امتحانات الثانوية العامة سنه تانية بيومين يالظبط وده اثر عليا كتير لانه اول مرة ماما تبعد عن البيت وبالاخص تبعد عنى انا بالذات ثانيا مرض اخويا كان مفاجاة وصعب عليا وده اثر على امتحاناتى وخاصة فى مادة الكيمياء وماما هى اللى بتذاكرهالى لانى مش كنت باخد دروس الا فى الانجليزى والرياضة وبس باقى المواد كنت معتمدة على نفسى والكيمياء على ماما واللى نزل مجموعى فى الثانوية العامة مادة الكيمياء مع ان ماما اتصلت بيا وقالتلى روحى مراجعه بس انا مكنتش عاوزة اروح ولا ليا نفس اروح اساسا لكن الحمد الله على كل شىء
فهى شافت بمجموعى بعد نزولى فى الكيمياء ضياع كليات الحاسبات والهندسة وبالتالى هدخل فى الغالب كليه ادبيه لكن اصرارى واستمرار فى علمى رياضة لمده شهرين هو حبى للمواد العلمية حتى اننى طلبت منها احول علمى علوم بحيث ادخل زراعة وكانت وقتها بتاخد مجاميع قليلة جدا بردوا رفضت وخافت عليا وعلى مصلحتى
اما بخصوص المعهد العالى للحاسبات كان حكومى وموازى لكليه الحاسبات وقتها ومجموعى كان قابل المعهد والوحيد اللى كان بيقبل ادبى وقتها اما الان لا يقبل القسم الادبى ورفضهم هو خوفهم عليا واقولك ابسط مثال انا سافرت البلد اخر مرة من 3 سنين مع بابا هو اسبوع واحد وكنا فى شتاء اخدت دور برد فى المعهدة وتعبت شوى ماما راسها والف سيف انزلها مصر باى طريقة وقعدت تعيط فى التليفون شوفى بئى حبها ليا وخوفها عليا اد ايه؟؟؟ تفتكرى تقدر تسيبنى اروح كليه بعيدة عنها؟؟؟

اما كلمتى للاهل اتركوا اولادكم يحققون ما يريدون ويدخلوا اللى عاوزينه يمكن مش كان احوالهم تختلف عن ما يكونوا زى ما انتم عاوزين بمثال بسيط
انا لو دخلت حاسبات مش كنت زمانى هلاقى شغل فى مليون مكان عن تخصصى الحالى
لو كنت دخلت ثانوى صناعى كان ممكن ادخل حاسبات واحقق احلامى واشتغل فى مجال احبه غير مجال التدريس طبعا
ده امثلة فانا متاكة ان مسار حياتى هتكون مختلفة عن حياتى الان
فاتركوا مسار اولادكم فى ايديهم هم اللى يختاروا طريقهم
وفى النهاية محدش بيكون او بيمشى فى طريق غير الطريق اللى ربنا كاتبهوله

والحمد الله على كل شىء

تحياتى
بنت بلادى

وتحياتى لكى بنت بلادى