سؤال مهم جدا أرجو المساعدة

سوف اتحدث عن الموضوع على اساس انى صاحبته حتى لا يصعب عليا حكيه مع انه يخص شخص يهمنى أمره

جلست مع احد الملحدين بدون قصد طبعا ولم اعرف انه ملحد واخذ ينتقد فى سيدنا محمد بل تطاول على الله نفسه وهذا طبيعى لأنه لا يؤمن بوجوده اساسا وظل يتحدث بسخرية وانا مذهولة بطريقه خرست لسانى ومش عارفه ارد ونسيت طبعا ساعتها ان مش المفروض انى اتجادل مع الملحد لأنى اتجادلت معه وغلبنى بكلامه وانا بصراحة ما عنديش كلام اقدر ارد به عليه المهم انى تعبت من ساعتها تعب غير عادى وبقالى سنتين كل اللى شاغلنى انى ادور على المعجزات والناس التىبتدخل فى الدين الأسلامى علشان اقوى نفسى ان الله موجود وكل لما ادعى ربنا واستحضر عظمة الخالق وادعيه خواطر تجيلى وتقولى ده اذا كان موجود مش يمكن انتى بتدعى للهوا اتعب اوى وعلى الحال ده شوية اكون كويسه وشوية اتعب بس انا الحمدلله بجاهد مع نفسى علشان انا غلطت انى اتكلمت مع ملحد وانا طول الفترة دى وانا مش عاوزة اتنكلم فى الموضوع ده مع حد خالص لأنى عارفه ان ده ابتلاء من ربنا بس صعب اوى لأنه فى دينى وحالى تغير خالص على طول مهمومه وتعبانه ومش عارفه ادعى زى زمان والله انا كنت بدعى ربنا قبل ما يحصلى اللى حصل ده وكأنى شايفاه بعينى وثقتى بالله مالهاش حدود بس الشيطان بيوسوس كتير معايا وانا تعبانه اوى لأنى عارفه ان بايمانى الشديد بالله كنت باحصل على اى حاجة فى الدنيا وكنت مرتاحة وراضية انما دلوقتى حالى متقلب ونفسى ارجع زى زمان قوية بايمانى بالله .
ارجو الدعاء عن ظهر غيب فهو حق على الله ان يجيبه . يارب اكون عرفت اوصلكم حالها وارجو المساعدة والسلام عليكم ورحمة الله وبركاته .