حديث عبادة في الهرج كهجرة إلي

حوار هاااام
محمود: هتقضي رأس السنة فين؟؟ بسرعه علشان نظبط
خالد: رقص السنة؟؟

وهيبقى فين الرقص ده؟؟
وهترقص فين السنة؟؟


محمود: يااااه يا خالد على طول محسسني إنك مش فاهم كده


خالد:انت قصدك ايه
محمود: بص يا سيدي.. حسام رايح حفلة عمر وبيقولوا هتبقى جامده جدا معاك بقى لحد الفجر
وسمير رايح حفلة تامر.. انت عارف سمير بيموت في تامروسارة صاحبته رايحة معاه ووليد مقضيها بقى في كازينو انت عارف دماغه
عااااايزين نحتفل معاهم بليلة راس السنة هاه رايح مع مين ولا هتروح فين..مفيش وقت إلحق نفسك لأحسن البلد كلها هتبقى زحمه وكله بيحتفل.. لأحسن متلاقيش مكان تحتفل فيه
خالد: يا نهار أبيض!! كل ده أنا بقى رايح حته جامده قوى في الليلة ديه
محمود:خارج مع مين؟؟
خالد: أنا إن شاء الله في ليلة رأس السنة مهاجر إلى الرسول عليه الصلاة والسلام
محمود: ازاي؟؟
خالد: قال الرسول عليه الصلاة والسلام (عبادة في الهرج كهجرة إلي)
الراوي: معقل بن يسار المزني المحدث: الألباني - المصدر: صحيح الجامع - الصفحة أو الرقم: 3974


رواه مسلم صدق رسول الله
محمود: عليه الصلاة والسلام.. بس ايه الهرج ده.. هو الهرج يعنى رأس السنة؟؟

خالد: لا الهرج معناه: وقت انشغال الناس باللهو

محمود: يعنى قصدك ان الواحد لو عمل عبادة في وقت الناس كلها

عماله مشغوله فيه عن ربنا وبتعصي ربنا ده كأنه هاجر إلى الرسول؟

خالد: بالظبط يا حوده.. هو كده يعنى الناس كلها في الشارع عماله اللي يغني واللي

يعاكس واللي خارج مع صاحبته واللي فى حفله واللي في كازينو واللي هنا واللي هناك
وانت تسيب ده كله وتذكر الله في الوقت ده.. تصلى شوية.. تقعد تدعي.. تسمع
قرآن.. تقرأ قرآن.. تسمع درس.. تشوف قناة دينية.. تسبح أو تذكر ربنا ده ثوابه كأنك هاجرت للرسول.. لأن معظم الناس في انشغال عن الله
فانت بطاعتك في اليوم ده تبقى حاجه متفرده
محمود: تصدق مجاش فى دماغي الكلام ده قبل كده!!يعنى اسيب الخروج خالص وأقعد بقى أعمل حاجه من دول..اخد ثواب كأني هاجرت للرسول؟؟
يااااااه كبير قوى الثواب ده.. بس انت متأكد ان الحديث ده صحيح.. وقوله تاني كده
خالد: اه الحديث في صحيح مسلم يعنى صحيح
والحديث بيقول:(عبادة في الهرج كهجرة إلي)رواه مسلم صدق رسول اللهفأنا بقى يا محمود هعمل كده ان شاء الله.. بالليل بدل ما أخرج مع الناس.. هقعد اقرأ قرآن أو أشوف درس أحضره.. أو أصلي بالليل قيام ليل أو أقعد ادعي واذكر ربنا.. أتفرج على برنامج ديني
محمود: تصدق عندك حق يا خالد.. أنا إن شاء الله هعمل زيك خلينا فعلا نعمل حاجه كويسة..

ملحوظه:تم التأكد من صحة الحديث من موقع الدرر السنية في الرابط التاليhttp://www.dorar. net/enc/hadith