احلى الكلام مع محمد صيام

بصراحة لا ايه الذكاء ده مالهاش لزمة كده يعنى ايه يجيبها و بعدين يبيعها عشان يكمل جهازه؟؟ و جابها ليه من الأول
لا احنا مش عندنا كده احنا ممكن مثلا زى ما والدى عمل مع اختى أجل الشبكة لحد معاد الفرح و اكتفى بالدبل عشان العريس يستفيد بفلوس الشبكة فى تجهيز الشقة ، و لو اتبقى فلوس معاه أو عرف يجيب شبكة فى الآخر كان بها ماعرفش يبقى خلاص .
بس على فكرة أخى محمد ال10 أو 15 ألف دول لو العروسة قبلت بيهم الشبكة تأكد أنها عروسة بنت حلال لأنهم مايجيبوش حاجة عدلة اليومين دول يدوب يجيبوا منظر قصاد الناس و صعب انك تقول للناس ان بنتك ماجلهاش شبكة حتى عندى قرايب ليا حاولوا يعملوا كده لكن بردوا اضطروا ينزلوا يوم الفرح نفسه و الله الصبح و جابوا برده شبكة فى الآخر بأى فولس كانت معاهم ده طبعا بسبب كلام الناس

هو ده التناقض الي بقول عليه ... اما ما فعله ولدك فهو عين العقل .. انسان حاسس بالظروف ودارس الحياة .. لكن مش كل الناس كده
ثم 10 او 15 كمان ده مبلغ قليل طبعا انا معرفش الذهب بكام لكن ..... الله يعوض عليك ياشباب مصر